所謂嘅MeTime，就係要我地有一段時間，一個人去享受同自己相處嘅空間。
細個嘅時候，連去廁所都要繞住幾個女仔一齊去；讀大學嗰陣每逢假期都不甘寂寞，只想將所有時間都塞得滿滿，好似身邊無多個人就會唔安樂咁。人大咗，漸漸對一啲無營養嘅友情或者無謂嘅關係失去耐性，甚至懶得去應付輓留。有時候一個人反而更自在，可以做自己想做嘅嘢而且可以同時擁抱情緒，更加了解自己。亦由於當你懂得自得其樂，唔會成為別人嘅負擔，所以更加會多咗一種從容優雅嘅氣質更加吸引人，因為大家都能夠從你嘅身上睇到完整嘅獨立個體同快樂嘅能量。
而我其中一個最享受嘅me time必定係呢個完勝組合：煲劇+敷mask！每逢放假就會係我嘅狂煲時刻，尤其當遇著幾套好劇連場，真係會匿埋屋企安坐家中，又或者瞓喺床上連續數小時，甚至通宵狂煲！成日唔夠瞓皮膚就更加要保養一下，而最近陪我煲劇嘅就係三款#DRJOU維他命面膜，每塊都含有日本進口嘅頂級玻尿酸，提升保濕力嘅同時，更為肌膚深層打入精華液。曬完太陽之後最啱就係用黑珍珠C面膜幫肌膚回復淨白。蜂蜜B3滋養面膜就有促進蛋白質再生嘅功用，而需要保濕度高既就一定係揀燕窩B5保濕面膜！
不如就喺呢個假期為自己安排me time，不妨煲一齣劇，睇一本書，敷一個mask，飲杯咖啡，甚至擁抱一下自己嘅情緒，好好享受送俾自己留白時光嘅獨處美。
#要學懂享受留白時光 #屈臣氏獨賣 #維他命面膜 #維他命美肌法
#DRJOU #保濕VitaminB5 #蜂蜜VitaminB3 #淨白Vitamin C
Search